«Пайыз, пропорция, қатынас тақырыптарына өмірмен байланысты есептер құрастыру»

Бұл әдістемелік құрал математика пәнінің негізгі әрі өмірге тікелей қатысты ұғымдары – пайыз, пропорция және қатынас бойынша есептерді құрастырудың тиімді жолдарын ұсынады. Құралдың басты мақсаты – мұғалімдерге күнделікті өмірмен байланысты тапсырмалар дайындау әдістерін көрсету, оқушылардың математикалық сауаттылығын арттыру және оларды практикалық ойлау дағдыларына баулу. Қазіргі білім беру жүйесінде функционалдық сауаттылыққа сұраныс жоғары. Әсіресе, тұрмыстық мәселелерді математикалық тілге аударып, есеп шығара білу – оқушының өмірлік дағдыларының қалыптасуына тікелей әсер ететін маңызды білік. Осы тұрғыдан алғанда, пайыз, пропорция, қатынас тақырыптарына арналған өмірлік мазмұндағы есептер оқушыны тек формуламен жұмыс істеуге емес, нақты өмірде кездесетін сандық ақпаратты талдауға үйретеді.