«Қазақ әдебиеті сабақтарында ұлттық құндылықтарды дәріптеу»

Бұл авторлық бағдарлама қазақ әдебиеті сабақтарында ұлттық құндылықтарды дәріптеу арқылы колледж білім алушыларының рухани-адамгершілік болмысын қалыптастыруға бағытталған. Бағдарламада халық ауыз әдебиетінен бастап қазіргі қазақ әдебиетіне дейінгі шығармалар ұлттық идея, елжандылық, адамгершілік, имандылық, отбасылық береке, салт-дәстүр құндылықтары тұрғысынан қарастырылады. Оқу үдерісінде білім алушылар тек әдеби мәтінді талдап қана қоймай, қазақ халқының дүниетанымы, әдет-ғұрыптары, ұлттық мінезі, тарихи жадын ғылымилық пен шығармашылық тұрғыда меңгереді. Сабақтардың құрылымында оқытудың интерактивті әдістері – топтық жұмыс, дебат, инсценировка, жобалық зерттеу, шығармашылық тапсырмалар кеңінен қолданылып, студенттің сыни ойлау қабілетін дамытуға мүмкіндік береді.