“Қоршаған ортамен танысу арқылы функционалдық сауаттылықты қалыптастыру”

Қазіргі білім беру жүйесінің басты мақсаты – оқушыны дайын ақпаратты қабылдаушы емес, қоршаған ортаны танып-білуге, талдауға және алған білімін өмірлік жағдаяттарда қолдануға қабілетті тұлға ретінде қалыптастыру. Бұл бағыттағы функционалдық сауаттылық – оқушының табиғи, әлеуметтік және технологиялық ортада бағдар жасап, нақты проблемаларды шеше алуына мүмкіндік беретін маңызды құзыреттілік. OECD (PISA) зерттеулері бойынша, функционалдық сауаттылықты дамыту ерте жастан бастап іске асқанда, оқушының сыни ойлау, зерттеу және шығармашылық қабілеттері жоғары деңгейде қалыптасады. Л.С. Выготский, Ж. Пиаже, Д. Брунер еңбектерінде баланың қоршаған ортамен тікелей әрекетте дамитыны, танымның белсенді зерттеу арқылы қалыптасатыны атап өтіледі. Қазақстан Республикасының жаңартылған білім беру мазмұны, «Мектепке дейінгі тәрбие мен оқытудың мемлекеттік стандарты», сондай-ақ «Бастауыш білім беру стандарты» құжаттарында оқушылардың функционалдық сауаттылығын қоршаған ортамен таныстыру арқылы дамыту б