"Қош келдің, Жаңа жыл!" ертеңгілігі

Бұл ұйымдастырылған ертеңгілік мектепалды даярлық тобында балалардың жас ерекшеліктерін ескере отырып құрастырылған. «Қош келдің, Жаңа жыл!» тақырыбындағы іс-шара балаларға мерекелік көңіл күй сыйлауға, жаңа жыл мерекесінің мән-мағынасын түсіндіруге, эстетикалық талғамын, шығармашылық қабілеттерін дамытуға бағытталған. Ертеңгілік барысында балалар тақпақтар айтып, ән салып, би билеп, көңілді ойындарға белсене қатысады. Аяз ата, Ақшақар, Малифисента, Жылан сияқты ертегі кейіпкерлерінің қатысуы арқылы балалардың қызығушылығы арттырылып, достық қарым-қатынас, бір-біріне көмектесу, жақсылық пен жамандықты ажырата білу дағдылары қалыптастырылады. Іс-шара мектепалды білім беру ұйымының оқу-тәрбие жоспарына сәйкес, қауіпсіздік талаптары сақтала отырып, жүйелі және ұйымдастырылған түрде өткізілді. Аталған ертеңгілік сценарийі мектепалды білім беру ұйымдарының тәрбиешілеріне әдістемелік көмек ретінде пайдалануға ұсынылады.