Сабын көпіршіктері

Бұл ұйымдастырылған оқу іс-әрекеті «Сабын көпіршіктері» тақырыбы бойынша ересектер тобы балаларында гигиеналық дағдыларды қалыптастыруға, сабынның қасиеттерімен таныстыруға және оның дұрыс қолданылуын меңгертуге бағытталған. Іс-әрекет барысында балалар жұмбақ шешеді, кейіпкермен (қоянмен) қарым-қатынасқа түсіп, сабынды дұрыс пайдаланудың маңызын талқылайды. Сабын көпіршіктерін жасау арқылы балалар тәжірибелік жолмен көпіршіктің қасиеттерін (жеңіл, мөлдір, тез ұшатын) бақылайды. Тақырыпты тереңдету үшін табиғаттағы жанартау атқылауы кезінде де көпіршіктер пайда болатынын көрсету мақсатында қарапайым ғылыми тәжірибе (мини-вулкан) ұсынылады. Сабақ балалардың танымын кеңейтіп, бақылау, қорытынды жасау дағдыларын дамытады, тазалықты сақтау қажеттілігін қалыптастырады. Іс-әрекет ойын, тәжірибе және көрнекілік арқылы ұйымдастырылып, балалардың қызығушылығын арттыруға бағытталған.