«ТӘРБИЕ САҒАТТАРЫН ЖИ ҚҰРАЛДАРЫМЕН ЖАҢАША ҰЙЫМДАСТЫРУ ӘДІСТЕМЕСІ» ӘДІСТЕМЕЛІК ҚҰРАЛ

Қазіргі жаһандану және цифрландыру жағдайында білім беру жүйесіне қойылатын талаптар түбегейлі өзгеруде. Бүгінгі қоғам тек білімді ғана емес, сонымен қатар ұлттық құндылықтарды бойына сіңірген, сыни ойлай алатын, цифрлық сауатты, шығармашыл әрі жауапты тұлғаны қажет етеді. Осы тұрғыдан алғанда, тәрбие жұмысы – оқушы тұлғасының жан-жақты дамуын қамтамасыз ететін негізгі тетік ретінде ерекше мәнге ие. Мектептегі тәрбие жүйесін тиімді ұйымдастыруда директордың тәрбие ісі жөніндегі орынбасарының рөлі айрықша. Ол тәрбие жұмысының мазмұнын жаңарту, оны жүйелі жоспарлау, педагогтерге әдістемелік қолдау көрсету және заманауи тәсілдерді енгізу арқылы тәрбиелік іс-шаралардың сапасын арттыруға жауапты тұлға болып табылады. Сондықтан бүгінгі таңда тәрбие сағаттарын ұйымдастыруда дәстүрлі әдістермен қатар инновациялық, цифрлық технологияларды, соның ішінде жасанды интеллект (ЖИ) құралдарын тиімді қолдану қажеттілігі артып отыр.