Тәрбие сағаты, "Уақытты тиімді пайдаланып, жетістікке жету" тайм менеджмент 8 сынып

Тәрбие сағаты, "Уақытты тиімді пайдаланып, жетістікке жету" тайм менеджмент 8 сынып «Сіз үшін басты нәрсе не? Уақыт жұмсау тізіміңізде ең маңызды нәрсе не? Қалауыңызды жүзеге асыруға не кедергі?» Расында адамдарда «уақыт жоқ» деген тіркес дағдыға айналып кеткен. Бірақ уақыт барлығына жеткілікті. Иә, бұл – абсолютті шындық. Сіз бір минутқа тоқтаңыз да, немен айналысып, неге уақыт жұмсап жүргеніңізді бір бағамдап алыңыз. Өз қабілетіңіз неге жететінін, бойыңызда нені дамыту керек екенін, уақытты қалай пайдалы дүниеге жұмсау қажеттігін ойша жоспарлаңыз. Заманауи америкалық жазушы, кеңесші Джош Кауфман өзінің кітабына кіріспеде өзінің өмірлік тәжірибесін бөлісіп, уақытты тиімді жұмсаудың жолдарын көрсетуді мақсат еткенін айтады. «Мен бұл іспен қол босағанда айналысамын» деген ойды санаңыздан мүлде шығарыңыз деп тұжырым жасаған жазушының айтуынша, әр нәрсенің өз уақыты бар және ол қысқа уақытта аяқталуға тиіс.