Ғаламтор қазіргі ұрпақтың санасына қалай әсер етеді?

Ғаламтор қазіргі ұрпақтың санасына қалай әсер етеді? тақырыбына эссе. Интернет ұғымы ХХ ғасырдың аяғында пайда болса да, жүргек пойыздың жылдамдығын еске салатындай жедел қарқынмен кең қанат жайып келеді. Әйгілі Ер Төстік ертегісінде Төстік жыл санап емес, ай санап, күн санап өсіпті дейтін жері болатын. Сол Ер Төстіктің ер жетуі сияқты дамып отырған бір сала болса, ол бүкіләлемдік желі-Ғаламтор деп санар едім."Ал, қазіргі таңда интернетті тұрақты пайдаланушылар саны бүкіләлем бойынша 1,5 млрд адамнан асыпты, ол әлемнің төрттен бір бөлігін құрайды"-деп, ғаламтордан оқыдым. Статистикалық мәліметті оқи отырып, қазіргі таңда қаншама адамдардың ғаламторға тәуелділігін байқауға болады.Эссе жазу барысында кейбір статистикалық мәліметтерді білу үшін ғаламторға жүгіндім, нәтижесінде ғаламтордың маған тигізген пайдасы зор болды.